miércoles 16.10.2019

El recuerdu

Aquella estampa del jatín berrándomos y curriendo tres de nós cumu pudía mi istuvo atormentando muchu tiempu la vista y el corazón, y tamién la sinto frescu nel alma.

mugu160519Quima d'alisa astraa de mugu | edc

La primer casa ena que viví jue un pisuciu iscuru n'una calli abisiza ena entraa de Torlavega, y guardo ena memoria la estampa trespintaa en gris cumu si el jumu biera congelause nel airi lo mesmu que la imagin del recuerdu queda liértigu ena acordanza.

El Ser Humanu caltién memoria dendi los tres años, dicin qué, pero esti recuerdu míu tien de ser, que ya echarin cuenta en casa, primeru de ber jechu los dos.

El recuerdu es caprichosu, y tien de veer colo que a unu le imprisiona. Entonz quiciabis en tal de caprichosu es sistemáticu.

Arricuerdo, pinto'l casu, los obreros vistíos de buzu arreglando el tejáu de la que siría la mí casa de cuandu chicu. Y ya n'ella, y es impusibli que biera jechu los tres años, me acuerdo bien de la mí güela aseándome, yo acucláucu drentu d'un baldi de prásticu ena pila. Y cugíamos los dos, yo nel baldi y el baldi ena piedra. Cumu pa ber tuvíu tres añuzos.

Las jotografías que los de casa caltienin de cuandu chicu son cumu las estampas d'aquel tiempu que caltién la mí memoria y cumu los mís sueños haguañu, apedresaas la mayuría y anguna, las menos, de color mas vivu.

Jaz unos años estábamos de la manu d'allá de los Pirineos, cunuciendo el Biarni. Subíamos el valli que abri la Gava d'Ossau atrevesando vegas verdis con cabañas de techu pindiu; viíamos uvejas y anguna punta de vacas rubias con jatinis, caminu nós de los puertos ondi l`Águila negra resgaba el vientu. Cumu ya era bien mayor, la estampa es dulci y de color, col verdi claru de las jayas, el iscuru de los abetos, y el mermeju amugáu de la piedra.

No sé quín y a santu de qué li endilgó aquel ‘Sierra’ moernu al Pandu ligítimu

Aquella casa ena que cricí de criu estaba nel antiguu Pandu, que ubidientis, llamábamos Sierrapando, lo que rezaba el letreru, y que hui, moernos tamién ubidientis por selo, llamamos Sierra, siguiendo la idea española de encortá-los nombris cugiendo el principiu, al revés de lo que de siempri jezo la custumbri del país. No sé quín y a santu de qué li endilgó aquel Sierra moernu al Pandu ligítimu. Allí el llamatu más amejáu por raiz y sinificáu era Jerra, y arricuerdo el Puenti La Jerra casi ena raya del espaciu que los de casa mi dejaban transitar; allí buscábamos en jebreru iscurpionis enas calceras de la vía'l tren. Aquella puintuca la tirarin y abora el sitiu tien un puintón moernu ensin gracia. Magino que ya cuasi naidi arricuerdi ni puenti ni llamatu. Guapos estamos.

La mí casa estaba junta-l regatu Riveru, que nacía daquella ya muertu por emplealu de cantarilla. Estábamos arrodeaos pol prau de frutalis del vicinu, un desguaci por tras del regatu, y el prau que segaba Malio. El caminu de casa tiraba entri aquellos dos praos y rematando tinía un trichucu pindiu entri casas con pariúcas de piedra calear armáu bastu ondi andaban asolejándose las ligartezas, dichu nel habla local que ya naidi caltién. Tres una purtillera de jierru, el caminu daba a la general, la carretera. Pasaba tiempu ena purtilla, por tener conversación con angún vicinu u veer angún críu.

A una güelta, estando apoyáu de espalda ena purtillera, ví un gatu que cruzaba aventáu la carretera y un cochi lu pilló. El gatu pasó entri las dos rueas de alanti, jué golpeáu escontra´l esfaltu y entá tuvo reflejos pa salir curriendo entri las dos rueas del lau derechu del cochi. No sólu mi impresionó el veelo, es que teno agrabáu el ruíu del golpi. El gatu quedó mas escarmentáu que mancáu, pos siguió por allí a lo suyu, ilesu polo que se vei.

A los años, otra vez del mesmu arti ena purtillera, ví otra cosa que me dejó segáu pol pie: pasó un cochi despaciucu y uí una de las puertas. Al sigundu, el cochi arrancó a tolo que daba y un cuscu pescó a siguilu ladrando ensin parar. Los dos trespusierin, peru supi ensin veelo que el pirrucu, cansu, treminaría primeru de correr suplicándoli a un amu nel que bía cunfiáu jasta aquel momentu que no lu dejara atrás, náufragu forzosu n'un desamparu cruel. Entá lo sinto cumu aquel día.

Pa no quedase sólu aquella nochi allí, atiricíu, ajambráu y muertu de miéu

Dimpués de asomamos al purtillu de piedra crúu de Canfranc y echá la tardi al sol junta un láu alpinu, juimos abajando de güelta cara´l jermosu Laruns. Diba achisbando pola ventanilla too lo que se muviera, y al pasar pol prau que arrecordaba a la subía llenu de vacas, sólu vií un jatu que al uír de lejos el motor del muéstru cochi que vinía, se acercó too lo que pudo. Vinía a la carrera, cunfiando ciegu. Lu aparo l'arambri d'ispinu, y entá currió lo que pudo intentando siguimos de lejos y en paralelu, deseando que lu uyéramos y acompañáramos, pa no quedase sólu aquella nochi allí, atiricíu, ajambráu y muertu de miéu. Peru nós no pudíamos llevamos un jatu.

Cumu nel casu'l pirrucu abandonáu aidea, aquella estampa del jatín berrándomos y curriendo tres de nós cumu pudía mi istuvo atormentando muchu tiempu la vista y el corazón, y tamién la sinto frescu nel alma.

Pa aquél billucu rubiu del práu arambráu, veé-l muéstru cochi pasar de largu siría tan amargu cumu juera pal pirruzu que lloraba a la carrera que l'amu lu dejara solu ena calli y arrancara espritáu.

Prifiriría acordami de cosas guapas con esa mesma friscura, peru el recuerdu, rebecu, atrevesáu, trebaja d'otra manera, llevau de la manu de la imprisión.

Y eso vos cuento.

El recuerdu
Comentarios