Lunes 25.03.2019

‘Gestión’

Mas cerca, la muestra capital ha vistu dos gestiones rápidas y que arrijundierin muchu y li dierin la traza que tien abora.

mugu140319Mugu rebecu, mundu cuadriculáu | edc

Tu dí gestión, masque a otru se li atrangulli nel pasapán de las ideas. El juéu es una jarramienta de gestión del pasto. Del pasto de las llamas, tendremos de maginar.

Hestoria brevi de la Gestión: Troya es un casu de gestión espontánea que entá arrecordamos cuandu es gorda por daqui mutivu. La Biblioteca d’Alejandría jue gestionada primeru polos romanos y a otra güelta, pa remati, polos árabis. Nerón gestionó Roma eno que arrisultó ser un esitosu Plan General de Ordenación Urbanísticu. L’asuntu de la brujiría lo sulía gestionar la Santa Inquisición bruja por bruja nel mediu las prazas. Mas cerca, la muestra capital ha vistu dos gestiones rápidas y que arrijundierin muchu y li dierin la traza que tien abora. L’ejércitu yanqui nel Vietnam cunfió la estrategia de la guerra a la gestión forestal gastando napalm en dejá-la jungla bien limpiu. Peru el casu mas amejáu a la gestión de la pación cantábrica (crimin pacional ondi los haiga) peru en virsión urbanística, está ena gestión de los edificios de viviendas probis que jacían los amos de los pisos pa cobrá-l siguru nel barriu niuyurquinu del Bronx. Tampocu quisiera criminalizar a tul seutor caseru; hebo caseros que enjamás gestionaron. Idificios del barriu y montis cantábricos ardirían por un igual, y asina la genti que arrisistía malaspenas enos dos lugaris pudía ganasi la vida.

Ena Europa verdi y apradiaa y pol restu’l mundu no se 'gestiona' a golpi de cirilla, masque eso debi ser encumprindibli pal 'gestor' cántabru

Geografía de la Gestión: El Cantábricu gestiona la pación ensin compasión. Eso no sinifica que sea la única manera de caltené-l campizu; ena Europa verdi y apradiaa y pol restu’l mundu no se gestiona a golpi de cirilla, masque eso debi ser encumprindibli pal gestor cántabru. Él se vei mas amejáu al gestor de Madagascar u al del Amazonas, los muéstros moelos de gestión.

Quiciabis angún día los gestores de dellas cosas y de dellas otras alleguin a la cunclusión de que las cosas puein jacesi de otra manera. Quiciabis, por ejemplu, amirando qué tal las llevan por otras partis del mundu, Europa, sin dir muchu más lejos. Porque Irlanda, Engalaterra, Escocia, Francia, Alemania, Suíza, Austria, tienin muchu verdi y no ardin de banda a banda añu sí añu tamién cumu nós, y tampocu están astrándoselis los praos y las brañas de sarza y escaju. Será que gestionan de otra manera. Será que no manejan el monti a juerza de juéu y glifosatu. Será, igual, que la genti ganaéru no tien manu libri cumu parti d'un ulvíu consoláu con suvincionis. Será, quiciabis, que los pulíticos, jueraparti querer votos, quedrán tamién estar un pocu al sirviciu de la genti aministráu por ellos. Tamién se conoz que la genti es pa pidilis cuentas. Será, inclusu, que tienin jasta un moelu de la clas de mediu rural que quierin, unu que no impruvisin a caa güelta que hai un nuevu gubiernu. Será que asuntan y buscan acuerdu entri distintas partis.

U quiciabis es que tenemos que dir dendi aquí a enseñalis a gestionar a ellos, con mechas, vista gordu, votu brutu, suvincionis y hooliganismu cibernéticu.

‘Gestión’
Comentarios